He whakarāpopoto o te Tauākī Whakamaunga Atu 2022-2026
English | Te Reo
Ko wai mātou, ā, he aha ngā mahi
Tā mātou mahi
Te whanaketanga pāpori mā ngā tāngata katoa o Aotearoa
Ka mahi Te Manatū Whakahiato Ora kia whaihua tana whai wāhi ki te oranga o te tangata i tēnei rā, ā muri ake nei hoki. Ko te āwhina i te tangata, ngā whānau me ngā hapori te aronga nui o ā mātou mahi.
Tā mātou hōkaitanga
Ko mātou te tari matua e whakahaere ana, e whakarato ana hoki i te pūnaha tokoora o Aotearoa
Ko ā mātou haepapa me ngā mahi:
- te whakarato tautoko moniwhiwhi me ngā ratonga penihana
- te whakarato ratonga mahi me te tautoko
- te hoahoa me te tuku i ngā ratonga hapori i te taha o ētahi atu
- te toha pūtea ki ngā kaiwhakarato ratonga hapori
- te whakarato tahua me ngā pūtea taurewa ākonga
- te whakarato āwhinatanga me ngā ratonga whare tūmatanui
- te noho hei kaiwhakarato matua o te kaupapahere me te tohutohu pāpori ki te Kāwanatanga
- te aroturuki i ngā hinonga Karauna e toru me te whakarato tohutohu ki te Minita haepapa
- te taurima i a Whaikaha – Ministry of Disabled People, rātou ko Te Kāhui Kāhu (Social Services Accreditation), Te Tari Kaumātua, Te Manatū Whakahiato Taiohi (MYD) me Te Mana Whakamaru Tamariki Motuhake
- te whakarite i te whaihua me te hāngai o ngā ture e whakahaeretia ana e mātou
- te mahi tahi me ētahi atu tari, ki te rāngai pāpori whānui atu anō hoki.
Hei hoa rangapū Tiriti, e ū ana mātou ki te tautoko me te whakamana i ngā whānau, ngā hapū, ngā iwi me ngā hapori Māori ki te whakatinana i tō rātou ake pitomata me ngā wawata.
Ko ō mātou Uara Manatū Whakahiato Ora
Manaaki
E kaingākau ana mātou ki te oranga me te angitu o te tangata
Whānau
He tari kauawhi mātou, otirā ka whakapakari i te wairua toi whenua
Mahi tahi
Ka mahi tahi, ka whai hua ngā hapori
Tika me te pono
Ka tika ā mātou mahi i runga anō i te pono
He aha tā matou e whai nei
Tō mātou kaupapa
Manaaki Tangata, Manaaki Whānau | Ka āwhina mātou i te hunga o Aotearoa kia haumaru, kia pakari, ā, kia tū motuhake
Ā mātou huanga
Tā mātau e hiahia ana ki te whakatutuki e tutuki ai tō mātau kaupapa
- Ka whiwhi ngā tāngata o Aotearoa i te tautoko e tika ana
- He aumangea ngā tāngata o Aotearoa, otirā e noho ana ki ngā hapori kauawhi, tautoko hoki
- Ka uru mārika ngā tāngata o Aotearoa ki ngā mahi porihanga, otirā ka whāia te iti kahurangi
Tō mātou anga rautaki
Ko Te Pae Tawhiti ka whakaahua i ngā nekehanga rautaki e toru e whāia ana puta noa i tō mātou whakahaere
Mana manaaki
He wheako pai i ngā wā katoa.
Kotahitanga
Te mahi rangapū kia nui ake ngā hua.
Kia takatū tātou
Te tautoko i ngā whanaketanga pāpori, ōhanga mauroa hoki.
Te Pae Tata – he rautaki me te mahere mahi Māori e whakatakoto ana i tā mātou āhua mahi me te Māori, ki te whakatutuki i ngā putanga pai ake e hāngai pū ana ki te Māori.
Kia Ora ngā Iwi o Te Moana-nui-a-Kiwa – Ā Mātou Tāngata, Ā Mātou Otinga, Tō Mātou Anamata koinei tā mātou rautaki, mahere mahi hoki e tutuki ai ngā huanga mana taurite mō ngā iwi o Te Moana-nui-a-Kiwa.
Te āwhina i a matou kia whakatutuki ai i ngā mahi
Te Pae Tawhiti Programme
E whakaumu ana mātou kia mārama pai ake, kia hono kaha ake, kia whakarato pai ake, me te tautoko pai ake i ngā kiritaki, ō rātou whānau me ngā hapori
Ko te hōtaka nei he hōtaka panoni tau maha hei whakarite i tā mātou tuku i ngā ratonga e māmā ake ai te whakamahi, he whakatapoko ake, ā, kua whakauruurua puta noa i te rapu mahi, te whai whare me te tautoko moni whiwhi.
Ka whakaratoa e te Hōtaka:
- he wheako matihiko pai ake puta noa i ngā ratonga a Te Manatū katoa
- he tauira ratonga hou me tētahi tauira tikanga whakahaere kēhi pakari ake, e nui ake ana te arotahi ki ngā putanga āraitanga, toitū hoki, te tautoko ngoto mā te hunga e tino matea ana
- ngā tukanga ngāwari ake mā ngā pākeke, ngā tauira me ngā kiritaki hunga mahi
- ngā huarahi hononga atamai ake ki ngā kaiwhakarato ratonga pāpori, ā-iwi, kaituku mahi, ā-ahumoni hoki.
Ko tā mātou aronga tuatahi:
- te hanga i tētahi wheako matihiko hou mā ngā kiritaki
- te whakarite i te āheinga o ngā tāngata o Aotearoa ki ngā ratonga mahi ā-matihiko
- te whakawhanake i ngā tikanga whakahaere kēhi hou e anga pū ana ki te Tauira Ratonga Anamata
- he tino whakapai ake i te whakahaerenga kirimana, kia whaihua ake, kai whāomo ake hoki ngā mahi rangapū.
Ō mātou tūāpapa whakahaere
Ka whirinaki te tukunga o tā mātou rautaki i runga i ētahi āhuatanga maha, otirā he tino waiwai te whai i te āheinga ā-whakahaere tika
Ko tā mātou:
- he whakapakari i tō mātou uruparetanga ki te Māori
- he tautoko i ā mātou kaimahi ki te āwhina i ngā tāngata Aotearoa
- he tiaki i te hauora, me te haumaru o ā mātou kaimahi, ngā kiritaki me te iwi tūmatanui
- he whakahaere mōrearea i tētahi taiao uaua
- he tautoko i ngā whakataunga take pakari mā roto i te mana whakahaere
- te mātua whakarite kia whiwhi hangarau matihiko whaihua ā mātou tāngata, ngā hoa rangapū me ngā tāngata o Aotearoa
- he whakamahi raraunga, tātaritanga me ngā mōhiohio ki te whakatau take
- he whakarite i te haumitanga me te whakahaere rawa atamai ake
- he whakapakari i ngā mahi arumoni
- he whakaiti i ngā tukuwaro.
