Tauteaga he Fakatufono ke he tau Fakatokatokaaga Mitaki ma e tau Momotua (Niuean)
Ko e Fakatokatokaaga Mitaki ma e Tau Momotua kua pūhala mai e onoonoaga ke Fakatufono ma e kautū kua momotua mitaki haana a tau tagata, kautū kua fakalilifu mitaki haana a tau momotua mo e fai pūhala ke fakatūmau a lautolu ke gahuahua ke he tau fekafekauaga kehekehe. Ko e hagaaoaga he Fakakatoatoaaga ke mailoga kua omoi he tau fakavēaga he Fakatufono e onoonoaga nai.
Ne taute he Fakatokatokaaga Mitaki hogofulu e hagaaoaga ke gahua ki ai e Fakatufono. Ko e tau hagaaoaga nai ke fakaholo ki mua e tau pūhala loga ma e tau momotua ke he tau fafaahi kehekehe. Putoia ai e tau hagaaoaga ke hagahagamitaki e tau tupe moua, tata e tau fale gagao mo e falu a fale lagomatai foki, hagahagamitaki e tupuaga mo e utakehe e tau kehekeheaga fakatagata ke he tau momotua.
To gahua e Fakatufono ke fakaholo ki mua e aoga no e tau gahua he tau momotua ke he tau maaga. Ko e tau tagata talahaua he motu e tau momotua ti kua tonuhia n ke taute mo e fakalilifu ki a lautolu ke he tau magaaho momotua ha lautolu. Toka i a lautolu nai e tau lotomatala kehekehe ke lata ma e tau motu ti ko e holo hake he nūmela tagata momotua ha Niu Slani he hogofulu tau ki mua, kua eke ia mo taha koloa aoga lahi. Ko e fakatūmauaga he tau gahua he tau momotua kua mahuiga lahi ma e tagata, maaga mo e motu foki.
Loga e tau valavala kua putoia ke he "Momotua Mitaki" tuga e malolō tino, levekiaga tupe moua, tū tokotaha, tau taofiaga fakamaaga, tau puipuiaga fakatagata pihia foki mo e takatakaimotu. Ko e kakano ke kitia mitaki e "tau momotua". Nākai fakamahao n e fekau nai ke he tau lotomatala he tau momotua takitaha ka e lauia e tau kitiaaga, tau manako mo e tau gahua he tau tagata ke he tau momotua. Ko e hagaaoaga fakamua ke atihake e tau kitiaaga mitaki he tau tagata ke he tau momotua. Taute e tau fakavēaga ke fakaholo ki mua e tau momoui momotua takitaha mo e taute e pūhala ke tūmau a lautolu ke gahua ke he tau vahega gahua kehekehe.
Tālaga e tau fakavēaga momotua ke lagomatai e tau tagata ka momotua fakahaga ke he tau gahua moua monuina he motu. Mailoga lahi ke aamohia e tau fakavēaga he Fakatufono ke he tau vahega fekau kehekehe - tuga e tau gahua tupe, tau kaina nonofo, tau malolo tino mo e tau tupe lagomatai - ke fakaatā mo e fakaohooho e tau momotua mo e tau atuhau anoiha ke kitia mo e talia mitaki e moui motua.
Ko e fekau he Fakatokatokaaga ke taute e fakaholoaga ke fakaholo ki mua mo e lagomatai e tau tauteaga ma e tau momotua ke he tau faahi gahua kehekehe he Fakatufono.
Tau Hagaaoaga he Fakatokatokaaga Mitaka ma e tau Momotua
Moua mai e tau hagaaoaga hogofulu nai he tau fakatūtalaaga mo e tau momotua he motu katoa. Fakakite mai e tau uho fekau kua mailoga ke fakaholo ki mua e tau gahua kehekehe kua fifili e tau momotua ke taute ke he tau maaga.
Hanai e tau hagaaoaga ia:
- Moua e falu a hala tupe ma e tau momotua
- Ke tata, tau laukauka mo e mitaki e tau magaaho kua manako ki ai e tau lagomatai malolō tino ma e tau momotua
- Ke fai kaina kua lata tonu mo e kua tau laukauka ma e tau momotua
- Tata mo e tau laukauka e tau vahega pūhala ō fano xc
- Ke moui haohao mitaki mo e "moui mitaki" e tau momotua
- Ke kehekehe e tau tauteaga fakamotu ke maeke he tau momotua ke fai fifiliaga
- Ke nākai tōtua e tau momotua he tau maaga i tua ka onoono ke he tau pūhala leveki
- Ke mitaki e tau kitiaaga he tau tagata ke he tau momotua
- Utakehe e tau agaaga nākai mitaki ke he tau momotua mo e loga e tau vahega gahua kehekehe
- Fakaholo ki mua e tau pūhala ke atihake fakatagata mo e tau pūhala gahua fakamaaga.
