Te āhua o te tiaki i te tangata kia haumaru i te wā kei roto te KOWHEORI-19 i te hapori - Te Tirohanga Tautoko Moniwhiwhi o Aotearoa

I raro i ngā tikanga ahuwhānui, ka tau atu ngā kaiuiui ā CBG Public Sector Surveying ki ngā kāinga o ngā tāngata ki te pātai mēnā ka hiahia whakauru rātou.

Ā, hei whakahaere i ngā uiui, ka toro atu ngā kaiuiui a CBG Public Sector Surveying ki ngā tāngata ki roto i ō rātou kāinga i te wā e pai ana ki te tangata e uiuitia ana.

Kāore e taea tērā i ngā wā katoa i te wā kei roto te KOWHEORI-19 i te hapori.

Engari he waiwai tonu te rangahau i tēnei wā, hei ine i te oranga me ngā wheako o te motu, ā, me te rapu me pēhea te whakatutuki pai ake i ngā hiahia o ngā tāngata.

Nā tēnei take, ka haere tonu ā mātou uiui, engari ka tiakina te hauora o te katoa i te wā o ngā uiui.

Kua mahi tūtata a CBG Public Sector Surveying ki Te Manatū Hauora i mua ki te mātua whakarite i te tiakanga o te tangata e whakauru ana ki te tirohanga, tae atu ki te tira kaiuiui.

Anei ā rātou mahi:

• E whakahaere ana rātou i te rapunga tāngata mā te tikanga pānga kore – ko te tikanga o tērā, i te wā e taea ana, ka whakarite mēnā e māraurau ana te tangata mā runga waea, ā, mēnā ka pātōtō rātou i te kūaha o tētahi whare ki te rapu tāngata, ka tū tīrara, me te mau kākahu PPE. Kua whiwhi ngā kaiuiui i ngā werohanga kano ārai mate katoa.
• Ka mutu kei te tuku rātou i te kōwhiringa o te whakahaere i ngā uiui ake mā tētahi pūhara mariko. He āhua ōrite te pūhara mariko ki te zoom. Mēnā kāore te tangata e āhei ana ki tētahi pūrere e tautoko ana i tēnei, kāore rānei he raraunga, tērā ētahi atu kōwhiringa e mātua whakarite ai kia whai wāhi te tangata ki te whakaputa whakaaro.