Ngā mea e tono whakaaetanga motuhake ana e mātou - Te Tirohanga Tautoko Moniwhiwhi o Aotearoa
I muri i te uiui, ka tono ngā kaiuiui i te whakaaetanga motuhake mō te whakapā atu anō pea ki te tangata.
Ka pātai mēnā ka rata te tangata ki te tuku i ā rātou taipitopito whakapā, kia taea ai e CBG Public Sector Surveying te tiro mēnā e tika ana te kawenga o te tirohanga.
Mēnā ka whakaae ngā tāngata, ā, ka kōwhiria mō ētahi o ēnei tirohanga, ka whakahaeretia i te rua wiki i muri i te uiui.
Ka noho wehe ngā ingoa me ngā taipitopito whakapā o ngā tāngata ka tūpono whakapāhia atu, mai i ngā whakautu ki ngā pātai o te tirohanga.
Ā, ka whakamahia anake ngā ingoa me ngā taipitopito whakapā i tukua mō tēnei take anake, e CBG Public Sector Surveying mō taua take rā, ā, e kore e puritia ka oti ana te tukanga tirotiro.
Ka pātai hoki ngā kaiuiui mēnā ka rata te tangata ki te tuku i ō rātou taipitopito whakapā kia pai ai te tuku pōhiri ki ētahi atu uiui anamata.
Ka whakahaeretia ēnei tirohanga anamata pea i roto i te rua tau e tū mai nei. Ka kirimunatia katoatia ngā mōhiohio ka kohia e rātou. Ka taea e te tangata te whakaae kia pōhiritia, engari ka taea tonu te 'whakahē' mēnā kua kore e hiahia whakauru ake i muri iho.
Ka noho wehe ngā ingoa me ngā taipitopito whakapā mō ngā tūpono tirohanga anamata mai i ngā whakautu o tēnei tirohanga.
Ka whakamahia anake ngā ingoa me ngā taipitopito whakapā o ngā tāngata mō taua take tonu i whākina rā.
Ka puritia e CBG Public Sector Surveying mō te rua tau, kātahi ka whakakorehia.
E kore ngā whakautu e tukuna ki Te Manatū Whakahiato Ora me Te Tari Taake.
Mēnā ka whakatauhia i mua i te rua tau e kore e whakahaeretia ētahi tirohanga anamata, ka whakakorehia ngā taipitopito i taua wā. Ka puritia ngā ingoa me ngā taipitopito whakapā mō te wā e hiahiatia ana.
