Ka ahatia ngā mōhiohio ka tukuna e te tangata - Te Tirohanga Tautoko Moniwhiwhi o Aotearoa

Ka āta tiakina e mātou ngā mōhiohio ka tukua mai ki a mātou e te tangata.

Ka kirimunatia ngā whakautu a ngā tāngata. Ko te tikanga o tēnei, kāore e mau he ingoa, he wāhi noho, ētahi atu taipitopito rānei ka tūpono tautohu i te tangata.

Otirā ka pāhekohekotia ngā whakautu a ngā tāngata ki ngā whakautu katoa ka kohia i ngā tāngata maha, kātahi ka tātaritia ngātahitia.

Ka tukua ngā whakautu kirimuna ki Te Manatū Whakahiato Ora me Te Tari Taake.

Kātahi ka whakamahia ngā whakautu kirimuna e ngā kairangahau a Te Manatū Whakahiato Ora me Te Tari Taake mō ngā take rangahau, hei āwhina ki te whakapai ake i te pūnaha tautoko moniwhiwhi. Ka whakamahia hoki ngā whakautu kirimuna e ngā kairangahau whaimana, pēnei i ngā kairangahau whare wānanga mō ngā take rangahau.

E kore e taea e ēnei kairangahau te tautohu i te tangata mai i ngā mōhiohio ka whiwhi rātou.

Ko ngā kairangahau anake ngā tāngata mai i Te Manatū Whakahiato Ora me Te Tari Taake ka kite i ngā whakautu kirimuna. Kāore he tangata kē i te Manatū Whakahiato Ora me Te Tari Taake e āhei atu ki ngā mōhiohio.

Ina whiwhi te tangata i ngā utunga mai i Te Hiranga Tangata, Te Tari Taake rānei, e kore ngā whakautu e whai pānga ki aua utunga e whiwhi ana te tangata. E kore ō rātau ingoa e kitea e tētahi kaimahi a Te Manatū Whakahiato Ora, Te Tari Taake rānei.