Ka pēhea tā mātou mihi ki ngā tāngata ka whakauru ake - Te Tirohanga Tautoko Moniwhiwhi o Aotearoa

Nō mātou te whiwhi i whai wāhi te tangata ki te tuku mōhiohio mai.

Hei koha, mihi rānei mō te whakauru mai, ka whiwhi ia tangata i te kāri $30 te uara.

Ā, ka tukua hoki he kāri whakamihi ki ngā tāngata katoa. He mōhiohio kei runga i te kāri o te huarahi e taea ai e ngā kaiwhakautu te kite i ngā putanga o te tirohanga kia rite mai ana.

Kei runga hoki i te kāri tētahi rārangi o ngā rōpū, ngā waea āwhina me ngā pae tukutuku e taea ai e te tangata te rapu tohutohu me te mōhiohio, tae atu ki ngā rōpū whakarato i ngā ratonga kōkiri utu takuhe.

Ka whiwhi hoki ngā tāngata i tētahi puka tautoko moniwhiwhi. He taipitopito whāiti kei roto o ngā paearu māraurau mō ngā utunga tautoko moniwhiwhi i kōrerotia i te uiui, ā, me pēhea te tono i aua utunga mā MSD me Te Tari Taake.

Kei roto hoki he rārangi o ngā rōpū hapori e tohunga ana ki te tautoko moniwhiwhi, mēnā ka hiahia tohutohu motuhake te tangata mō te tautoko moniwhiwhi.

Mēnā e whakaaro ana koe ki te whakauru mai, e akiaki ana mātou kia whakapā mai koe ki tō mātou tira uiui ngākau māhaki i CBG Public Sector Surveying.

Ki te whakauru mai koe, ka whai wāhi koe ki te whakaputa whakaaro mō te āhuatanga ki a koe, me ō wheako, otirā ka āwhina tērā i ngā whakamaheretanga a Te Manatū Whakahiato Ora me Te Tari Taake, hei whakapai ake i te pūnaha tautoko moniwhiwhi.

Ahakoa e kore pea e puta he hua ki a koe ake mai i ngā panonitanga, ka puta pea he hua ki ētahi atu me ō rātou whānau.

E tūmanako ana mātou ka whai wāhi mai koe ki te whakaputa i ō whakaaro.